Non o entendo de todo...

Asumindo que, ademáis dunha bule-bule son unha novata despistada nisto das weblogs, non entendo de todo o sentido desta iniciativa. Achegar internet a todos está ben, potenciar un sentimento de comunidade en Compostela, aínda está mellor; é algo que boto moito de menos nesta vila. Pero se a isto lle engadimos "ser embaixadores", para "atraer turismo" (iso lín na prensa), a cousa xa me desorienta un pouco. Gústanme as cidades abertas, vivas, en movimento. Pero a compulsión por atraer turismo paréceme que estraga un pouco a calidade de vida nunha cidade tan fermosa como esta. Gustaríame vivir nun barrio cuidado, nunha vila estimulante, rodeada de viciños tolerantes, divertidos e participativos; non quero vivir nun escaparate.
Aínda así, disfruto de Santiago e ogallá me vaia sentindo unha compostelana de pro. Vou poñer todo da miña parte.